dil-e-naadaan tujhe huaa kya haiaa
khir is dard kee dawaa kya hai
hum hain mushtaaq aur woh be-zaar
ya ilaahee ! yeh maajra kya hai
main bhi munh mein zabaan rakhta hoon
kaash ! poocho ki muddaa kya hai
jab ki tujh bin nahi koi maujood
phir ye hangaama, 'ei khuda ! kya hai
hamko unse wafa ki hai ummeed
jo nahi jaante wafa kya hai
haan bhala kar tera bhala hoga
aur darvesh kee sada kya hai
jaan tum par nisaar karta hoon
main nahi jaanata duaa kya hai
maine maana ki kuchch nahi 'ghalib'
muft haath aaye to bura kya hai ..............
Subscribe to:
Post Comments (Atom)
No comments:
Post a Comment